校長燒肉日韓料理 (沙咀道) (已結業)

同朋友約左食晚餐，佢想食燒肉，但我心血來潮想食刺身 見呢到價錢唔貴，平日黃金時段成人只係$228一位，於是我地決定黎放題食物有好多唔同種類既選擇，例如燒肉、火鍋、刺身、炸物、壽司、點心、沙律、甜品、雪糕等等。刺身款式包括八爪魚、榮螺片、希靈魚等等。我地叫左三文魚、虎蝦、玉子，每樣都新鮮好食，唔會有異味。三文魚厚切，脂肪豐富，啖啖爽滑又肥美，好滿足 虎蝦肉質有彈性、馬刀貝都好爽口又鮮甜。燒肉有勁多款選擇，豬、牛、雞、海鮮等等目測超過30款。我同朋友好中意食美國牛仔骨，燒至表面焦香再加少少黑椒同鹽吊味，牛味香濃而且肉質嫩而不韌！加上有酸酸甜甜又多汁既燒菠蘿，令人忍唔住食多幾舊😋。飲品有超多選擇！雪櫃有各種有汽、無汽、有糖、無糖既飲品。另外有暖飲櫃，內有不同的紙包茶飲及罐裝的黑糖薑母茶。最特別係有一個「養生區」，提供熱水及各類茶葉、陳皮、紅棗、柑桔等材料可以自製熱飲，我地泡左杯山楂洛神花茶，好味之餘又可以促進食物消化同消脂解膩，感覺好健康😍。雪糕口味多不勝數，除左已包裝既雪糕雪條之外，原來仲有雪糕機可以自己唧。唧完之後加糖果，賣相、口感同味道都更豐富😋。火鍋有幾款湯底可以選擇，配料都相當多。