一鍋豐 (已結業)

今日等朋友收左工之後，就同佢去旺角食打邊爐。地方都幾大，店員仲安排左卡位俾我地坐，坐位者幾寬闊舒服，好適合打邊爐。一坐底店員就詳細向我地講解餐牌，仲介紹俾我地聽有邊d食物推介我地食，由於我同朋友都中意食海鮮，所以我地最後揀左象拔蚌海鮮餐任食既火鍋配料都有好多款式~落完湯底之後，就可以出去攞自己中意既醬料，醬料區乾淨企理飲品都係自助形式，都幾多款俾我地揀我地比較中意重口味，就揀左馬來喇沙大頭蝦湯底，的確好足料，有兩隻大頭蝦、豆卜同花生碎係裡面，飲落都幾濃郁，唔會好辣呢度仲有刺身任食，塊塊都好厚片，鮮甜肥美😋火鍋配料方面，我地個個餐係可以享有以下海鮮一次性:海星班、有殼蠔、象拔蚌、珊瑚蚌、鮑魚仔、聖子同桂花蚌樣樣都好新鮮，特別鍾意桂花蚌，口感好爽口彈牙， 而蠔海水味好重，食落好creamy帶子爽口，牛柳粒、牛小排同肥牛都好有牛味，而且唔韌，肥瘦啱啱好墨魚滑好彈牙新鮮，蟹籽丸同午餐肉都唔錯~蔬菜新鮮，響鈴脆卜卜，個人最中意個烏冬，口感好煙韌🤤飯飽飽仲有飯後甜品，有雀巢雪糕、雪糕糯米糍同牛奶樂仲有雪糕機，可以diy個人既雪糕雪糕味道幾濃，而且都幾軟滑，係成餐既happy ending😎整體來講