柏景餐廳

一位大人加兩位長者，經openrice 買優惠卷，食lunch buffet, 由1200開始食到1430時，座位闊坐得舒服，食物款式多又新鮮而且味道好。海鮮種類唔多，但蝦🦐就好大隻又好fresh，最好味係燒肉而且塊皮脆得黎又夠味，係必食推介。另外面檔亦好多款，食左幾款都好好味。不過湯水就認真麻麻地比較淡、甜品款式多但味道亦係麻麻，飲品類亦比較少，不過以$200左右一位有咁多嘢食選擇其實好抵食。另外還有兩個鐘頭免費泊車，抵。