A Tavola Bar & Grill (已結業)

近排多咗朋友搬入去將軍澳住，今日就去探望一個搬去海翩滙的朋友，參觀附近環境都唔錯，有唔少名牌商店，尤其食店，估唔到嘅係有酒吧餐廳，朋友同我去咗一間叫A Tavola Bar & Grill ，裝修擺設、環境氣氛媲美尖沙咀一帶嘅酒吧。但價錢就比較便宜。特別係套餐，真係好抵，我就叫咗一個一人套餐，前菜、主菜、甜品和飲品都有幾款選擇。我揀前菜係海鮮湯：湯底係蕃茄濃湯，湯內有蝦、魷魚、魚柳等，全部切粒，鮮味十足。主菜燒雞半隻，燒雞雖然係半隻，但份量也不少，燒雞夠入味，肉質有口感但唔鞋口，點些特製醬汁味道更佳。薯條都好大份，熱辣辣係即炸，點茄汁食到停唔到口！重有沙律菜，真係好豐富！甜品朱古力布朗尼：布朗尼是經典的美式甜點，小塊帶香濃朱古力味近似曲奇的蛋糕，口感紮實又濕潤。飲品係咖啡、茶或汽水，也可加錢升級精選飲品。