江南庭敘 (已結業)

呢間高級火鍋店食物新鮮湯底惹味，有招牌鴛鴦鍋，一邊係高湯熬制一邊係秘製香濃沙嗲湯，而配料有8種任你添加我最鍾意有瑤柱XO醬😝 點左安格斯肥牛，係油脂均勻的靚肥牛。另外點左珊瑚蚌、水餃覺得一般。推介炸千層腐皮，外皮炸得金黃香脆內裏似鮮腐竹嫩滑，仲吸埋湯來的精華，好～味～呢度嘅唐山菜被譽為玻璃生菜，用最新鮮最爽脆的部份，食落減輕油膩感好清新。最後要讚嘅係楊枝甘露，足足點左三碗，已經飽到捧住個肚，仲可以兩人食左三碗，係食過最好食嘅超班楊枝甘露。