影片
更多
2011-06-02
46 浏览
早前二嫂約好晒尋晚(1-6-2011 Wed)食晚飯提早慶祝父親節,攪攪吓變o左要我搵地方食,亦整整吓變o左打邊爐,去邊o度打好呢?呢o度啦,下星期侄女夠12歲,呢o度當大人計o架喇,快快o係佢成為'大人'前o黎食啦.星期日約好晒就打電話o黎book定位,到尋晚去到,畀張o係正轉角位o既10人枱我o地,落地玻璃加冇遮擋,個view靚到極.由於只有我,男友同爸爸準時到,唔想就咁坐住等家人,於是先叫一個湯底同第一輪食物,我o地叫o左皮蛋芫茜湯.o黎到,湯係奶白色,亦都幾多芫茜.第一輪食物到o黎冇耐,大哥大嫂都到o黎,而二哥一家就35分鐘後到,佢o地就叫個豬骨湯底,我o地食o左:冇問題o既:1-19: 手切肥牛,海蝦,手打鯪魚球,四寶丸,獅子狗,牛骨髓,海帶,芝士腸,芝心丸,魚皮餃,蟹柳,炸響鈴卷,蘿蔔,芋絲,金菇,雞脾菇,唐生菜,白菜仔,炸魚皮20. 牛柏葉,切到好幼,真攪笑.21. 三文魚肉腸,味道有啲似o係超市買o既包裝魚肉腸小食.22. 日式魚肉蘑菇,造型似蘑菇,而原來一邊有蘑菇粒一邊冇,好攪鬼.23. 墨魚滑,男友話彈牙.24. 芋頭魚丸,一件件方形o既物體,內裡有芋頭粒,唔知我o
星期日約好晒就打電話o黎book定位,到尋晚去到,畀張o係正轉角位o既10人枱我o地,落地玻璃加冇遮擋,個view靚到極.
由於只有我,男友同爸爸準時到,唔想就咁坐住等家人,於是先叫一個湯底同第一輪食物,我o地叫o左皮蛋芫茜湯.o黎到,湯係奶白色,亦都幾多芫茜.
第一輪食物到o黎冇耐,大哥大嫂都到o黎,而二哥一家就35分鐘後到,佢o地就叫個豬骨湯底,我o地食o左:冇問題o既:
1-19: 手切肥牛,海蝦,手打鯪魚球,四寶丸,獅子狗,牛骨髓,海帶,芝士腸,芝心丸,魚皮餃,蟹柳,炸響鈴卷,蘿蔔,芋絲,金菇,雞脾菇,唐生菜,白菜仔,炸魚皮
20. 牛柏葉,切到好幼,真攪笑.
21. 三文魚肉腸,
味道有啲似o係超市買o既包裝魚肉腸小食.22. 日式魚肉蘑菇,
造型似蘑菇,而原來一邊有蘑菇粒一邊冇,好攪鬼.23. 墨魚滑,
男友話彈牙.24. 芋頭魚丸,一件件方形o既物體,內裡有芋頭粒,唔知我o個件係咪灼得唔夠,覺得芋頭唔夠腍.但男友話呢個芋頭夠粉夠腍,兩個口感好特別.
唔算好好o既有:
25-27. 駝鳥肉,炸魚腐,甘筍腐皮卷
28. 韭菜豬肉餃,唔覺韭菜香.唔錯o既有:
29. 半乾濕吊片,
好快熟,都幾好o趙,但唔難咬開,都食到啲鱆魚味,香香地又唔錯喎.30. 脆鯇片果然好脆
31. 鮮雞件,餚o左好耐我至食,依然好有雞味.
32. 蟹粉包心丸,真係勁多蟹粉,幾濃郁.
33. 雲吞,雲吞皮薄,估唔到裡面有兩三隻蝦仁,又爽口,唔錯.
34. 稻庭烏冬,好滑.
35. 粟米,好甜.
我唔知有冇食到o既:
36. 牛筋丸,印象中食o既丸好似冇牛筋.
37. 香菇貢丸
我冇食到o既:
38-46. 草鯇魚腩,爽脆豬膶,鵝腸,豬粉腸,木耳,生根,炸枝竹,豆卜,油麥菜.
以上所有食物都唔使加錢,而且重有啲我o地都冇叫.
飲品方面,我o地叫o左兩jar酸梅湯同一jar冬瓜茶.開頭o個jar酸梅湯唔夠甜,但好彩唔係好酸,而第二jar我冇飲到,大哥大嫂話呢jar甜返啲.
冬瓜茶就淡,男友話似唔甜王老吉.
服務:
好好,密密加湯.態度亦唔差.
價錢:
用Openrice9折coupon,係加一前9折,咁即係免o左加一,o衣o家真係好多coupon都係咁.
但其實講真,呢o度o野食雖然普通亦唔係豪裝,但坐得好舒服同有靚景,呢個價錢重可以叫好貴嗎?
张贴
