影片
更多
2016-09-04
405 浏览
星期日晚一家人食飯，一行九人，冇得訂枱，於是六點鐘已到餐廳。眼見有四位客人正用餐，兩旁都是吉枱，不過坐唔落九人，唯有喺門口等。明嘅，冇理由逼人一定要轉枱就我哋。等等下打算先落單叫嘢食，到埋位時就差唔多有得食。點知叫個侍應話落單，佢個反應係愛理不理：「我比唔到枱你，你落單都無得食個喎。」哇！我未有枱都落單俾生意你做，你係咪反而應該主動啲問我哋有咩需要呢？😡到落單時，我哋喺餐牌上指出要什麼什麼。個侍應冇笑容不特止，仲話：「你都係講全名會好啲。」嘩！作為侍應，你唔係應該好熟份餐牌咩？我諗我唔喺度食會對你好啲！😡都可以入座時，我只係簡單問一句：「唔該你一陣間係咪會加多張櫈俾我呢？」侍應好唔耐煩：「得啦得啦，你地坐低先。」哇！而家邊個係客呢？😡坦白講，係見到有侍應嘗試盡早比枱我哋嘅。坦白講，啲嘢食質素係好嘅，論食物，係吸引人再返嚟嘅。但係咁嘅服務態度，真係冇必要睇你面色。失望！
等等下打算先落單叫嘢食，到埋位時就差唔多有得食。點知叫個侍應話落單，佢個反應係愛理不理：「我比唔到枱你，你落單都無得食個喎。」哇！我未有枱都落單俾生意你做，你係咪反而應該主動啲問我哋有咩需要呢？😡
到落單時，我哋喺餐牌上指出要什麼什麼。個侍應冇笑容不特止，仲話：「你都係講全名會好啲。」嘩！作為侍應，你唔係應該好熟份餐牌咩？我諗我唔喺度食會對你好啲！😡
都可以入座時，我只係簡單問一句：「唔該你一陣間係咪會加多張櫈俾我呢？」侍應好唔耐煩：「得啦得啦，你地坐低先。」哇！而家邊個係客呢？😡
坦白講，係見到有侍應嘗試盡早比枱我哋嘅。坦白講，啲嘢食質素係好嘅，論食物，係吸引人再返嚟嘅。但係咁嘅服務態度，真係冇必要睇你面色。失望！
张贴