阿木台灣麵 (廣華街) (已結業)

早前同媽咪撐枱腳, 又試新餐廳! 呢間要逐樣食物講, 樣樣都好食! 堅! 同老闆娘傾計知佢係台灣人嫁嚟香港,原來佢爸爸係開餐廳既, 結業覺得可惜, 所以囡承父業! 我的靚媽咪點紅燒牛肉牛筋麵 $69, 我點鹽酥肉便當 $59 滷肉飯香濃, 唔太肥大唔過咸! 鹽酥肉乃老闆娘推介, 一般係鹽酥雞, 用肉排比較罕見! 肉份量超級多, 大大件又厚身! 炸得甘香酥脆, 內裡仍滿滿肉汁, 超嫩滑! 連配菜都好味, 最欣賞個醃白菜, 唔會太酸, 中和油膩感剛剛好! 牛肉麵又係一絶, 我的靚媽對此讚不絶口! 麵質爽口彈牙, 湯底濃郁清甜而唔咸! 牛肉半筋半肉, 牛肉超級厚切, 肉嫩而有咬口, 牛筋軟滑入口即化, 配上酸菜潤而不膩! 芝士奶蓋四季春 $19, 桂花冰梅四春 $12 ~ 抵飲到一個點, 茶餐廳都唔得啦! 芝士奶蓋夠咸香, 四季春茶味略淡! 冰梅飲落好清涼, 酸酸哋好開胃! 註: 價錢合理公道, 食物質素中上, 誠意滿分!