鮨千寿 (屯門市廣場1期) (已結業)

兩個人，比左四人枱坐，唔會搭枱，唔駛坐到好迫，招呼都幾好，會主動加茶。野菌炒露筍$88: 鴻喜菇、金菇等，味道幾啱食，露筍比想像中大棵，但整碟份量不多。大蜆麵豉湯$38:湯有鮮味，唔太咸，蜆半熟，好嫩好鮮甜。鰻魚石鍋飯$138: 鰻魚和飯量都多，但鰻魚口感差，可能不夠肥，不欣賞。西京燒銀雪魚$168: 肉質滑，夠味，燒到剛好。枝豆$38: 太淋，有少少怪味。牛乳蟹肉薯餅$48:食半件已經膩，不見有蟹肉，中間類似忌廉。