玉桃軒酒家 (利舞臺廣場)

以前去開5樓個間酒樓執左之後，新開個間貴，仲要好難先攞到泊車優惠，所以轉去呢間試。
呢個蛋散真係唔算散，甜度適嘅。不過無乜特別，好多酒樓水平差不多。

呢個叉燒菠蘿包，好好味，個菠蘿皮夠脆口，甜度合適 下次可以再叫。

馬拉糕開始部份酒樓無，反而舊式酒樓先會有，而呢間未去到舊式，但仲有得食，而亦整得唔錯，夠鬆化，又係下次可以再食。

係咪望落全部甜點咁，當然我最鍾意食甜嘢，亦都因為掛住食唔記得左影叉腸。個腸粉超滑，叉燒唔算好入味，但亦都夾嘅，都值8分。
價錢無記低，但銅鑼灣黎講中價啦！可接受嘅。