鈴木珈啡館 (已結業)

系星期六既下午黎呢度食，不過無下午茶既set，全部都系單叫。週末黎講算少人，成間餐廳得十枱都吾夠既客人。有室外座位俾吸煙既人坐。好耐之前食過兩次，好似水準差左？pizza既餅底幾薄，夠晒脆口同香口。雖然醬汁既味道幾好，不過太濃太咸，而且都有d辣，對於吾食得辣既人就要系咁飲水。所以成個pizza淨系得個咸字同辣字，食吾到其他材料既味道。芝士焗薯條份量適中，不過我本身比較鍾意食粗既薯條，呢款太幼就吾多啱我口味。薯條上面既芝士超級超級少！得表面既三分一，兩啖就無晒。不過個車打芝士醬都吾錯。佢吾應該叫芝士焗薯條，應該系薯條with芝士醬。蘋果金寶配雲呢拿雪糕味道吾錯吾會太甜，上碟既時候批底仲暖，加埋凍冰冰既雪糕一齊食口感幾好。頂部嗰塊蘋果乾酸酸甜甜都系match。唯獨批底吾夠脆。