老馮茶居 (大棠路)

营业中

休息中

第一次食係喺好耐之前畀呢間茶居的裝修吸引，但食過之後覺得食物味道麻麻所以本身都唔諗住再嚟。第二次係因為朋友揀呢度，所以重臨，點知有D驚喜，覺得幾好味。呢日再嚟幫襯，今次就有少少失望，食物味道又變得好普通蝦餃嘅蝦唔算新鮮，食落味道偏淡。牛腸第一啖食給有少少米味，但牛肉偏少，腸粉身太淋無彈性，幾乎夾唔起。糯米鷄調味ok, 入面嚿臘腸幾好味，但料偏少同成隻都好濕身，有少少淋pat pat。鳳爪排骨飯味道可以，但係都係好濕身。咸水角嘅皮好鬆脆，但入面唔係in-un嗰種，而係淋pat pat嘅。牛栢葉就唔錯，切得夠細嚿，方便咬同比大嚿嘅入味。食完呢餐可能好耐之後先會再嚟食過。