鳳城酒家 (已結業)

食物質素一般，價錢在銅鑼灣黎講都算叫合理。如果講突出既，就係蒜茸蒸排骨，食得「咸」魚抵得渴既我，都覺得極度咸。如果講正常的話，就係個桂花糕，唔太甜又有桂花味，唔錯唔錯。好黎講完食，就講下服務質素啦。簡直未試過飲茶飲到上晒火！無筆問拿筆，侍應藐咀兼飛筆，我以為小李飛刀轉世玩飛筆。之後落單無人理，舉手舉到手痺，餐前運動。跟住仲要落左單成半個幾鐘，第一張單既野可以未黎齊！三問侍應，真係慘過三顧草盧！1）她妙答：「幾樣野係耐 D 架啦」。2）過多五分鐘，她：「比單你，都話你有落！」。再過五分鐘，她：「我咩都唔知，你自己問經理啦，麻煩」最後我彷如瓦奴瓦圖既活火山咁, 去爆個搵經理。最後一句，不是熟客就唔好去啦！