夢工房西日料理 (已結業)

今天難得放假，和幾位朋友去咗葵芳行街買下野，行到咁上下見到五點幾有d餓，係隔離有間食放提既餐廳，決定一齊去食夢工房西日料理！裝修都唔錯幾新淨仲好多機械人既擺設，店員亦都好快咁帶左我地去位到，然後我地兩個人就開始落單了。刺身最快黎到，叫左海蝦，油甘魚，三文魚等等，全部都好大件好新鮮，帶子最推介！仲有好多燒物例如羊排，菠蘿都係好好食… 點左幾款唔同嘅壽司，質素OK，而且飯嘅份量唔係好大，絕對唔會有"讚" 飽你嘅感覺。 另外我哋亦都點左啲炸物，有榴槤丸、炸香蕉、同埋炸香芋丸，樣樣都係新鮮上枱。尤其係個榴槤丸，不得了咁好食！到最尾我叫咗個蕉糖藍開鹽雪糕，味道好特別，甜中帶咸，我食咗三球..........其實呢間放提係勁多款食物比人選擇，多都我都未食得晒，飲品款式又多，仲由雪糕雪條豆付花同糕品..........我諗我食多四五次先有機會食得晒