愛上米線 (漆咸道南) (已結業)

食物服務品質完全吾掂今日12點去完科學館睇恐龍展，行過哩間米線店，覺得幾清新乾淨，睇埋餐牌同照片介紹，好似幾OK，就入去試下。入去時間可能早，無乜客人，食完都吾滿，入來食客人好多系一個或者2個女生，可能裝修OK。服務- 決定叫午餐，但想食的都是辣，waiter話無得改，到埋單見到我地要用熱水洗過至食，至話單點可以有番茄湯底，早D 講。- 叫兩杯餐茶，兩杯都來錯。- 哩度尖沙咀，客源又比較後生，又自己話哩度系快餐店要先比錢至落單，有點自扁身價，其實改用QR code 點餐順便比錢至落單，系哩個區同客源決對可以改善曬哩個問題。酸菜魚湯米線（$56）1分- 魚好似系有介紹照片的幾多，但睇落已經覺得吾掂，食落又吾滑，過熟，同無魚味，比較“十二味”的酸菜魚午餐有魚皮同埋滑，哩度已經肯定系冰到吾冰的吾知道乜魚柳，師父又吾識整至會咁，你比幾多都無用。麻辣脆豬耳（餐加$10）2分- 算幾爽，但毫無豬味，只有雪櫃味。魚腐麻辣米線（$53）3分- 魚腐系幾好味，配菜有芽菜同木耳，本來幾好，但微辣（1隻辣椒圖）好似真系太辣啦。剁椒皮蛋（$9）2分- 吾系好耐無食都吾叫，睇落系唐心，食落蛋白蛋黃都吾夠皮蛋味。