Wake Up (已結業)

之前喺荷里活廣場見到西餐廳Wake Up，好似幾時都係好多人流，同埋好多家庭客～心諗應該性價比幾高～今次睇完戲之後試吓呢間餐廳，果然冇令我失望～一踏入餐廳，就感受到輕鬆愉快嘅氛圍～「日本黑毛豬鞍架伴蘋果醬配薯菜」黑毛豬嘅肉質非常鬆化，食落去能夠感受到濃厚嘅肉味，絕對係一般豬扒無得比。配搭嘅蘋果醬，甜中帶酸，有啖啖的香氣，完美中和咗豬肉嘅油膩感，令整體味道層次非常豐富而薯條外脆內軟～好快就清晒了「燒澳洲肉眼扒配燒汁薯菜」肉眼扒嘅質地非常嫩滑，超出我預期～五分熟控制得好好，能夠感受到牛肉嘅鮮美。燒汁嘅濃郁程度亦非常出色，充滿肉汁香味，唔會過於搶味，反而係襯托咗肉眼扒嘅口感。另外都想讚下，雖然間店咁多人，但係服務員都仲係好好禮貌～值得encore 的一餐!