影片
更多
2023-02-19
53 浏览
今日黎到位於銅鑼灣既鐵板燒餐廳。餐廳入面有L型座位既吧台，可以望到廚師製作鐵板燒既過程，旁邊仲另有一張大四方枱，適合一家人或者朋友聚會。餐廳有三種唔同既鐵板燒套餐，價錢分別係$538、$988 、$1188，大家可以因應自己既預算作選擇～🔥鐵板燒Set B $988 / 1人🥗無花果野菜沙律餐廳會因應季節調整食材，最近無花果唔當造，所以改左做蟹肉，加上溫室雜菜，包括羽衣甘藍、青瓜、蕃茄仔，最特別既係有蓮戶，即係蓮花既莖部，入口清爽，沙律搭配既係柚子醋汁，夠曬酸甜開胃～🦐賴尿蝦配南非活鮑魚配海苔醬西班牙賴尿蝦鮮甜之餘帶有黑椒香，旁邊配上食用花瓣及食用玫瑰；南非孔雀鮑魚一斤三頭，非常大隻，肉質新鮮爽彈，味道鮮甜，帶有陣陣天然海水味，而旁邊既鮑魚魚肝咸香微辣，配上咸香既自家製三文魚籽及海苔忌廉汁，非常好食👍🏻🥩熊本縣A5和王牛（煙燻厚燒）🥬香煎野菜配田樂醬A5和王牛可以選擇厚燒或者薄燒，如果唔食牛嘅，仲可以揀煙燻西班牙伊比利亞厚切豬～因為用上櫻桃木煙燻，所以和王牛帶有淡淡煙熏香氣，亦有助減低和牛既油膩感。和王牛柔質軟嫩，色澤粉紅，充滿肉汁，牛味亦香濃，配有竹炭鹽、炸蒜片及新鮮Wasabi，旁
餐廳有三種唔同既鐵板燒套餐，價錢分別係$538、$988 、$1188，大家可以因應自己既預算作選擇～
🔥鐵板燒Set B $988 / 1人🥗無花果野菜沙律
餐廳會因應季節調整食材，最近無花果唔當造，所以改左做蟹肉，加上溫室雜菜，包括羽衣甘藍、青瓜、蕃茄仔，最特別既係有蓮戶，即係蓮花既莖部，入口清爽，沙律搭配既係柚子醋汁，夠曬酸甜開胃～
🦐賴尿蝦配南非活鮑魚配海苔醬西班牙賴尿蝦鮮甜之餘帶有黑椒香，旁邊配上食用花瓣及食用玫瑰；南非孔雀鮑魚一斤三頭，非常大隻，肉質新鮮爽彈，味道鮮甜，帶有陣陣天然海水味，而旁邊既鮑魚魚肝咸香微辣，配上咸香既自家製三文魚籽及海苔忌廉汁，非常好食👍🏻
🥩熊本縣A5和王牛（煙燻厚燒）🥬香煎野菜配田樂醬
A5和王牛可以選擇厚燒或者薄燒，如果唔食牛嘅，仲可以揀煙燻西班牙伊比利亞厚切豬～
因為用上櫻桃木煙燻，所以和王牛帶有淡淡煙熏香氣，亦有助減低和牛既油膩感。和王牛柔質軟嫩，色澤粉紅，充滿肉汁，牛味亦香濃，配有竹炭鹽、炸蒜片及新鮮Wasabi，旁邊仲有意大利青瓜、日本南瓜及美國啡菇。
朋友食薄切既，而薄切既會包裹住大量既香蔥同乾蝦，食落富口感又香口，更加好食👍🏻同樣有意大利青瓜、日本南瓜及美國啡菇，都幾建議大家揀薄切～
🍶清酒煮蜆湯清酒煮蜆用上鰹魚湯，所以所有湯都可以飲晒，重點係隻蜆好大隻，味道鮮甜無沙，蜆肉下面仲有昆布，我同朋友都係全部清晒～
🍳炒飯哩到既炒飯都好花心思，係和牛蛋包飯，上面加上海鮮茄汁，炒飯底加上蔬菜碎，所以會更有口感。
🍦雪糕雪糕有三種味道可以選擇，我就揀左柚子，味道酸酸甜甜，底下仲有紅豆蓉。
🍋熱檸檬茶最後仲可以揀餐飲，有奶茶、咖啡、凍熱檸茶及凍熱檸水可以選擇～
整體黎講，餐廳環境舒適，店員服務質素好好，而且食物亦有質素，都幾適合同朋友聚會，或者同另一半慶祝💕
张贴
