小曼谷泰國美食 (已搬遷) 新店位置

一行8人，訂咗位仍要等30分鐘。途中朋友提議轉軚到隔離隆姐，但知客說大檯正在吃甜品，好快有位。終於都係等咗30分鐘。見佢畀張大檯在角落都順氣啲：張檯好大，有卡位，仲有吉櫈擺袋同外套。好過拍埋4張兩人檯好多。叫咗大頭蝦冬蔭功、串燒、馬拉棧通菜、椰菜苗、招牌蛋包炒飯、菠蘿炒飯、炒貴刁、炸蝦餅、豬頸肉、辣椒膏炒青口。上菜非常快，而且普遍食物質素不俗。大頭蝦冬蔭功有三隻巨蝦，貨真價實，但不知是否不是草菇季節，店家使用大量秀珍茹代替，風味稍遜。串燒不過不失，上菜時已有點冷掉，不夠在街邊那些小檔惹味，伴串燒的沙爹汁太稀，不太能掛在肉上。炸蝦餅是招牌菜，的確不俗，彈牙爽口，蝦味十足。但我好像未食過難食的泰式蝦餅。朋友的孩子不太吃辣，所以偏甜的馬拉棧通菜和辣椒膏炒青口也算適合。但若論正宗口味，應該更辣才對。最後希望店家改善預約制度。訂了檯但比walk-in客等還要久，實在有點難接受...