吃吧 (僑建大廈) (已結業)

OpenRice可以預先book位，點知去到門口，窗仔望入去比較黑好似冇開咁，原先想走佬🤣最後都推左門入去，舖頭雖然燈光昏暗有少少似bar?!扣左dd分。但食物一d都唔hea，仲好有心思。沙律方面係一jar咁上，唔洗你地再撈好多人都有order既芝士薯條，應該係熱門菜式，影漏左少少，因為本身係上一兜普通薯條，店員再拎個裝左溶芝士既小鐵板喺你面前倒落去，有驚喜🤭(仲見到隔籬枱點左個豬手，會叉喺個架上俾你，之後仲會點火，都係好用心)再叫左個牛，好入味好juicy，下底仲有舊邪惡薯蓉tim🤤整體黎講，食物唔錯，睇得出所有都好有heart好有諗頭。但燈光如果可以好多少少，成件事會更加出色，因為食物水平絕對唔會係bar級數。