紅茶冰室

营业中

休息中

收工外賣左兩份晚餐返屋企食，打開袋發現餐廳比少左2個餐包，我地都算，一兩個包都好小事。但咬左啖臭既焗薯，即刻吐左出黎，用漱口水漱口。我地忍唔住都要打電話去餐廳講同佢地講返件事，點知餐廳聽電話果位竟然話唔關佢事，佢只係付責收錢。真心嬲左，佢地間餐廳食物有問題，分分鐘食左會肚痾唔舒服。竟然回答唔關佢事，一句道歉都無。然後我地要求同經理講，聽電話果位話經理唔得閑，亦無mark低我地既資料，問聽電話果位女生叫咩名，佢又拒絕透露。 我地真係好嬲，本身我地返完工都攰了唔想落樓投訴，結果我地都被逼樓落去餐廳投訴。去到餐廳果位聽電話既女仔見到我地都繼續傾緊私人電話，完全無唸住解決件事。而經理坐左係最入面，都要我地行入去搵佢先出黎。雖然有道歉，但都感受到佢想快啲打發我地走，退返餐錢比我地了事。相信經歷過今次，以後都唔會再幫襯。開餐廳既，連最基本既食物質素都保證唔到，實在不值得光顧。