尚點 小籠包.上海菜館 (悅來坊) (已結業)

黎親悅來坊通常都係幫襯樓下嘅餐廳, 好少留意到原來 2 樓有間食上海菜嘅餐廳｡ 餐廳環境好大, 有大量梳化座位, 由於係閒日晚市, 幫襯嘅人唔多｡ 鮮肉小籠包1 籠 4 件, 小籠包嘅皮都算薄, 未食已經可以睇到入面嘅湯汁, 一夾起好容易就穿  小籠包入面嘅肉好散好細粒｡紅油抄手一碟 6 粒, 雖然可以見到 D 紅油, 但其實一 D 辣味都冇, 如果辣番 D 就好喇 蒜泥白肉有點失望, 蒜蓉唔夠多, 而且 D 醬汁又係冇味嘅, 唯一優點係份量夠大份 雪菜肉絲炒年糕唔好睇佢咁嘅顏色就以為佢好濃味, 但其實都係冇咩味道, 開始懷疑佢用 D 咩醬汁, 點解款款菜都係唔夠味