其實Eaton個buffet都幾出名，見最近出左個優惠係第二位半價，就毫不猶豫地book左～
間餐廳係酒店嘅地下一層，入酒店前已經有員工係酒店門口Standby 幫人度體溫。
到餐廳門口，都要再度多次體溫，令人覺得都幾穩陣可靠。
而且餐廳規定左拎野食嘅時候一定要戴口罩，同埋所有食物都有用蓋蓋好，減低左飛沬嘅影響。
坐位又好寬敞，而且枱與枱之間有隔開起碼一張枱，都幾欣賞餐廳肯做咁多去令食客感到安心
1
室內環境舒適，坐位之間有足夠距離
至於食物方面真係好多選擇，個人最愛就一定係海鮮同埋甜品部～
果日得一款美國生蠔，不過都好鮮甜，同男朋友食完又食，起碼食左二十隻
除左生蠔，仲有其他海鮮食：蟹腳、麵包蟹、青口、凍蝦，非常多選擇。
唔中意食凍海鮮仲有刺身揀，一共有五款，款款新鮮好味
2
鮮甜任食美國生蠔
海鮮餐
刺身部都好正，有五款刺身揀
除左呢d之外，仲有好多熟食選擇，岩晒d唔中意食生冷野嘅人
我試左佢個澳洲西冷，都有牛味同埋個汁好味嘅，不過多筋左d，所以食落有d韌
串燒同天婦羅就係即叫即整嘅，所以拎上碟都係熱辣辣
紐西蘭羊脾及澳洲西冷
車仔麵都有
串燒即叫即燒
多款香烤食物選擇
除左呢d長期都有嘅食物之外，佢地亦有一d限時菜式，到提供嘅時候就會有員工走過黎通知～
我食果日係燒龍蝦同埋片皮鴨
兩樣都好味，而且覺得呢個安排幾有趣，唔錯
海鮮粥&限時菜式燒龍蝦
食完正餐就當然係食甜品啦～
呢度嘅甜品部提供超級多選擇，而且大部分都係細細件，所以就算食多好款都唔會太飽！
基本上我每款都食左，個人最中意係佢個藍莓金寶同埋朱古力蛋糕
個藍莓金寶食落係有勁多栗子蓉，食落勁香栗子味得黎，又唔會好甜或膩，好驚喜！
至於朱古力蛋糕就好濃朱古力味，岩晒中意食甜野嘅人～
推薦藍莓金寶
花多眼亂甜品部
