影片
更多
2009-04-11
尋晚同隊長去咗呢間食東歐菜的餐廳慶祝生日, 其實去之前都在open rice睇過d評語, 覺得菜式同環境都幾唔錯, 所以決定o黎呢度食生日飯. 尋晚我o地散叫了下列菜式.烏克蘭羅宋湯&烏克蘭馬豆湯: 兩碗湯都好足料, 不過因為我們掛住玩, 所以搞到凍咗, 如果趁熱飲的話應該更加好味. 紅菜頭魚柳沙律: 如果唔鍾意食魚生或魚的話, 應該未必buy, 因為好似有d腥味, 我留意到隊長食咗好少, 但我自己就幾buy, 因為我鍾意食魚生.俄式傳統焗牛脷: 跟酥皮一齊食, 牛脷好入味, 好食!酥皮蘋果鴨配焗薯: 蘋果配鴨, 單單看個菜式名已經覺得好特別, 於是一致決定order, 鴨肉份量都幾多, 不過食唔到蘋果, 薯仔就食咗好多喎. +15蚊就另外有個焗薯, 但我覺得叫做”薯角”比較貼切d. 一碟有4件, 配埋蘋果鴨內的白汁來食, 好好食..熱情果味&木梅味啤酒: 兩支果味啤酒, 木梅味比熱情果味好飲, 用埋半價coupon都係廿幾蚊一支, 好抵! 另外, 值得一提係老闆Ivan真係好nice, 話說尋晚我地為咗可以傾計, 所以揀咗坐出面, 到咗10:30左右, 室內的人客都差唔多走哂, I
烏克蘭羅宋湯&烏克蘭馬豆湯: 兩碗湯都好足料, 不過因為我們掛住玩, 所以搞到凍咗, 如果趁熱飲的話應該更加好味.
紅菜頭魚柳沙律: 如果唔鍾意食魚生或魚的話, 應該未必buy, 因為好似有d腥味, 我留意到隊長食咗好少, 但我自己就幾buy, 因為我鍾意食魚生.
俄式傳統焗牛脷: 跟酥皮一齊食, 牛脷好入味, 好食!
酥皮蘋果鴨配焗薯: 蘋果配鴨, 單單看個菜式名已經覺得好特別, 於是一致決定order, 鴨肉份量都幾多, 不過食唔到蘋果, 薯仔就食咗好多喎. +15蚊就另外有個焗薯, 但我覺得叫做”薯角”比較貼切d. 一碟有4件, 配埋蘋果鴨內的白汁來食, 好好食..
熱情果味&木梅味啤酒: 兩支果味啤酒, 木梅味比熱情果味好飲, 用埋半價coupon都係廿幾蚊一支, 好抵!
另外, 值得一提係老闆Ivan真係好nice, 話說尋晚我地為咗可以傾計, 所以揀咗坐出面, 到咗10:30左右, 室內的人客都差唔多走哂, Ivan邀請我地入去坐, 仲請我地飲咗一杯無酒精的蘋果味香檳. 入到去先發覺原來d裝修係咁有特色, Ivan仲幫我地影相添. 可惜因為我地住得遠, 所以最後都係留到11:10左右就返屋企了.
價錢唔貴, 服務態度又好, 咁o既餐廳絕對值得再次幫襯啦.
张贴