桃園眷村 (已結業)

見到有網誌介紹朗豪坊新開咗咧間桃園眷村，台灣什麼什麼過江龍，食物即叫即製！ 我下午一點半到達，只有兩個人排隊，完全唔洗排隊，咁咪幫襯下～ 座位環境，店舖規定，點完餐先好去搵位，點餐時店員話飯團（粢飯）要等45分鐘，我話好呀，等咪等囉，睇下你哋啲食物有幾厲害？咁樣我一於好小理，餐點如下：冰豆漿$22咸豆花（熱）$32甜豆花（熱）$28燒餅油條蛋$36肉燥飯團（粢飯）$32台式香腸蔥蛋飯團（粢飯）$42消費共$192個人覺得有啲貴，不過都要試下！我哋差唔多點曬成個Menu嘅食嘢！ $192最期待嘅台式香腸蔥花蛋飯團（即粢飯）$42咬咗一啖，見到唔對路，好多糯米，糯米部份偏淋，香腸份量極小（如圖暗黑部份，三份一條香腸），飯多餡小，唔抵食、亦唔好食！！！ 💔咬咗3啖，已經冇香腸了，點解唔足料？ 極到搵笨囉，完全唔值$42！ 失敗指數：💔💔💔肉燥飯團$32，咬咗一啖之後，我以為自己食緊糯米雞，糯米部份超級淋，一Pat Pat咁，餡料部份好多肉汁，肉燥好硬、冇味道，飯多餡小，即叫即製都搞到咁難食，我同朋友都係食咗兩啖就冇再食落去，點餐時仲大我哋要等45分鐘，嘩！ 真係巴閉！！失敗指數： 💔💔