鴛鴦奶茶 (匯貿中心)

营业中

休息中

星期六早上，去到餐厅，见仲未到11:30 ，仲有早餐嗌，于是问吓收银：系咪仲有早餐？点知收银个阿姐，非常唔好老脾咁样答：你话有咪有啰！咁明明餐牌仲写住有，又未够时间，问多句啫，使唔使咁嘅声气答啲客人呢？于是就点餐啦，阿姐又好劳气咁响度催促。我哋都知早餐时段就快过，唔知阿姐系咪赶住落场，所以冇乜耐性？其实你可以好声好气，解释吓，唔使用啲咁赶客嘅态度嘅……跟住去到攞餐，啲阿姐又系唔愿做咁款。可以睇吓图中嘅早餐，佢哋将兜通粉放到喺侧边，一拎起就差啲反。如果可以细心啲，将啲重嘅嘢，容易反嘅嘢，放返中间啲，会唔会可以避免一啲不必要嘅意外？食物都OK嘅，价钱亦合理，但系啲员工工作态度就真系…… 其实车站旁边大把选择，专登行过嚟帮衬你，仲要咁嘅态度，真系唔好怪冇生意。