老趙 (已結業)

星期日晚上大約7點 周圍每間餐廳都人流極多，排隊起碼等二三十個號碼，本身諗住食第間餐廳，但趕時間，見呢度無人排隊，唯有立即入去。我地今次2個人，叫左唔多野食，只叫左一份手撕雞同一碟馬拉盞炒油麥菜。手撕雞（6.5/10）手撕雞一份要大約130$，都幾貴。面頭全部係甩左的皮 ，鋪左係面 ，我同朋友都唔食雞皮，首先就全部夾開晒佢先。肉質有啲軔，味道就唔差，都幾入味，但嫌佢手撕得太碎，雖然係手撕，但都唔洗撕得咁碎濕濕，外形麻麻地。馬拉盞炒油麥菜（6.5/10）香口炒菜，唔差，好夠辣，但都無特別地方，正常小菜一碟。叫左兩個餸埋單都要二百幾，即每人百零蚊，唔太抵，性價比低。