影片
更多
2021-06-04
92 浏览
點樣食唔知推唔推介好✨💛川菜酸菜魚💛💛荃灣黃店💛麻辣風雲地址：荃灣海壩街108-114號荃碧大廈1樓🍖炸饅頭 $58 (8/10) 佢嘅饅頭係新鮮炸起！超脆內裡又好軟綿綿🥰 但我明明係ig見到其他foodie試食嘅時候係有一架船😂，咁樣大細超法唔係好得wor🙈 🍖麻辣海蜇 $58 (8/10)好麻好辣好重口嘅一碟開胃菜🤣，都幾好食，如果份量多少少會更加開心🥳🍖酸菜魚 $268 (6.5/10)個魚好滑，可惜有頗重河鮮嘅腥味，本人超怕依陣味😂，不過可能係因為我揀左小辣唔夠重口味，蓋唔過d腥味，但湯底超級夠酸，豆卜索曬d湯，超正👍🏻，唯一敗筆就係佢d寬薯粉，口感好散唔多煙韌😖，薯粉嘅來貨有待改善，平時係街邊食30幾蚊碗嘅薯粉都好食過佢幾多下😂，我本身仲加左錢嗌多薯粉😂😂，好彩有朋友們幫我清曬🍖胡椒豬肚雞 $288 (6/10) 💩十小伏💩仲有最後等左40分鐘先登場嘅胡椒豬肚雞～ 雞肉偏鞋，豬肚偏韌咬唔爛，整體食落超清淡無味，好似冇落鹽咁，本身expect會好重胡椒味，但食落只有微乎其微嘅胡椒味😂，其實可以話係冇🙈，大家睇圖都見到個湯一粒胡椒粒都冇，純粹係d雞面頭係咁二撒左少少胡椒粒，一邊食
💛川菜酸菜魚💛
💛荃灣黃店💛
麻辣風雲
地址：荃灣海壩街108-114號荃碧大廈1樓
🍖炸饅頭 $58 (8/10)
佢嘅饅頭係新鮮炸起！超脆內裡又好軟綿綿🥰 但我明明係ig見到其他foodie試食嘅時候係有一架船😂，咁樣大細超法唔係好得wor🙈
🍖麻辣海蜇 $58 (8/10)
好麻好辣好重口嘅一碟開胃菜🤣，都幾好食，如果份量多少少會更加開心🥳
🍖酸菜魚 $268 (6.5/10)
個魚好滑，可惜有頗重河鮮嘅腥味，本人超怕依陣味😂，不過可能係因為我揀左小辣唔夠重口味，蓋唔過d腥味，但湯底超級夠酸，豆卜索曬d湯，超正👍🏻，唯一敗筆就係佢d寬薯粉，口感好散唔多煙韌😖，薯粉嘅來貨有待改善，平時係街邊食30幾蚊碗嘅薯粉都好食過佢幾多下😂，我本身仲加左錢嗌多薯粉😂😂，好彩有朋友們幫我清曬
🍖胡椒豬肚雞 $288 (6/10) 💩十小伏💩
仲有最後等左40分鐘先登場嘅胡椒豬肚雞～ 雞肉偏鞋，豬肚偏韌咬唔爛，整體食落超清淡無味，好似冇落鹽咁，本身expect會好重胡椒味，但食落只有微乎其微嘅胡椒味😂，其實可以話係冇🙈，大家睇圖都見到個湯一粒胡椒粒都冇，純粹係d雞面頭係咁二撒左少少胡椒粒，一邊食真係真係有d想喊😂，唔睇佢個名以為自己食緊清湯煮雞，好彩有3位猛男幫我清曬佢，我食左兩舊就完全冇掂過😂
回頭指數: 🍧🍧(滿分:🍧🍧🍧🍧🍧)
好坐指數: 🧎🏻♀🧎🏻♀🧎🏻♀️️(滿分:🧎🏻♀️🧎🏻♀️🧎🏻♀️🧎🏻♀️🧎🏻♀️)
大家睇到依度，係咪有d奇怪點解我會話唔知推唔推介好？就咁睇d野食都唔算好伏咁姐😂
er....其實個問題係出左係個環境度，大家見唔見到我影d相都出現左膠枱布依樣嘢
原來店家為左分配人流，佢善用左樓上執左笠嘅麻雀館，我一邊行佢個條金碧輝煌嘅樓梯，一邊心諗金翅__鳥，然後侍應帶左我走過長長嘅走廊，幫我打開左專屬我嘅房間(見圖5)
一行入去就聞到殘留嘅三手煙味(本人對煙味超級敏感)，同見到大排檔嘅格局，即刻心諗咩料啊，我黎依度唔係想感受大排檔嘅風味架喎😂，點解訂位時唔同我講聲等我有返d expectation😂 大佬今次我做搞手諗住bk間好食d，睇上去環境ok嘅黃店，你咁樣叫我點同朋友交代？
大家明唔明我個刻嘅心情😖？就好似你上網玩dating app，約出黎真人貨不對辦🤯，你想走又走唔到個種騎虎難下😂，唯有硬住頭皮頂硬上一次😂
咁其實最後我d 粗獷派嘅男性朋友全部都冇所謂，仲好開心有個獨立廁所同電視添😂 不過我個人嘅用餐觀感就麻麻地，因為搞到我影唔到靚相打食評啊！！！！！！我諗佢地都有見到我依個死港女有d黑面👻
张贴
