山頭火 (已結業)

可能康山既食店已經無之前咁瘋狂啦..人都少左好多又加上平日..所以昨晚去食飯都唔需要等位.我地比較早食因為怕好似之前度度食店都要排隊啦..6時左右就來此店食飯啦...不過咁早都有幾枱人客, 心想唔通真係咁好味...2個人叫左個餃子定食同埋炸雞定食.個定食都唔錯有一碗小拉麵再加一個飯..我地叫個餃子同炸雞都好好味....起碼即叫即做夠熱騰騰..最正都係個拉麵..我選左辣味麵豉; 友人就選鹽味湯底...不過我就覺得辣味湯底都唔辣既,不過勝在惹味d...反而試過一口鹽味湯就覺得太清淡啦.至於湯麵內既又燒真係好好味有少少肥帶肉又夠味..盡對會再來.順帶一提...初頭入到店d人又唔俾menu我地又一班人圍埋一起傾計..仲以為服務唔好,但送食物來又好nice又會自動幫我加水,最後我出去埋單多口問一句有無泊車優惠時..佢仲主動俾左2張單我泊2小時free parking..真係多謝此店無論食物同服務都好過888拉麵多多聲