影片
更多
2020-04-18
545 浏览
*追寫食評回憶系列*-去食天天都已經係差唔多2個月前嘅事😝我同老公本身都好鐘意食雞喺新加坡都有食過天天天天嚟到香港緊係要去試吓嗰日個餐牌有啲濕濕地...邊個食客咁唔生性倒瀉水= =成間鋪個裝修格調都行型格路線連啲餐具都係襯返晒又幾好睇介紹返個主角雞！我哋叫咗例牌嘅天天海南雞水準拍得住新加坡本店！雞肉好爽口天天嘅雞有個特色就係佢特登唔會整到有嗰層啫喱(資訊由老公提供😂)平時我食雞唔食邪惡雞皮因為咁樣卡路里可以減半🙉但今次都忍唔到啦成嚿雞咁擺入口🤤三款醬我最鍾意薑蓉 超香更加帶到雞嘅肉味出嚟食海南雞緊係要配油飯！(減肥?咩嚟㗎?😂)個油飯份量都幾足我哋叫48蚊 每人都分到2碗食落口好香會令人好想添飯另外再叫咗個筋腩相逢價錢$108 如果以咁嘅份量嚟講有少少貴但個味道係好食嘅上枱仲要係滾緊 起泡泡嗰種滾啲牛筋嘅軟腍度啱啱好夠腍但仲有咬口啲腩都係靚位肥瘦適中貴精不貴多可以食吓至於個海南印象就有少少伏本來諗住成晚全肉宴想食啲菜減輕罪惡感點知收88蚊咁細兜😂仲要食落有少少油溢味但無其他味😩不如拎啲錢叫隻大雞好過🤣-總括而言食物質素係不錯叫做收得呢個價又交到貨但個服務就可能有少少改進空間例如茶壺無晒
-
去食天天都已經係差唔多2個月前嘅事😝
我同老公本身都好鐘意食雞
喺新加坡都有食過天天
天天嚟到香港緊係要去試吓
嗰日個餐牌有啲濕濕地...
邊個食客咁唔生性倒瀉水= =
成間鋪個裝修格調都行型格路線
連啲餐具都係
襯返晒又幾好睇
介紹返個主角
雞！
我哋叫咗例牌嘅天天海南雞
水準拍得住新加坡本店！
雞肉好爽口
天天嘅雞有個特色
就係佢特登唔會整到有嗰層啫喱
(資訊由老公提供😂)
平時我食雞唔食邪惡雞皮
因為咁樣卡路里可以減半🙉
但今次都忍唔到啦
成嚿雞咁擺入口🤤
三款醬我最鍾意薑蓉 超香
更加帶到雞嘅肉味出嚟
食海南雞緊係要配油飯！(減肥?咩嚟㗎?😂)
個油飯份量都幾足
我哋叫48蚊 每人都分到2碗
食落口好香
會令人好想添飯
另外再叫咗個筋腩相逢
價錢$108 如果以咁嘅份量嚟講有少少貴
但個味道係好食嘅
上枱仲要係滾緊 起泡泡嗰種滾
啲牛筋嘅軟腍度啱啱好
夠腍但仲有咬口
啲腩都係靚位
肥瘦適中
貴精不貴多
可以食吓
至於個海南印象就有少少伏
本來諗住成晚全肉宴
想食啲菜減輕罪惡感
點知收88蚊咁細兜😂
仲要食落有少少油溢味
但無其他味😩
不如拎啲錢叫隻大雞好過🤣
-
總括而言
食物質素係不錯
叫做收得呢個價又交到貨
但個服務就可能有少少改進空間
例如茶壺無晒茶
我特登打開個蓋擺喺枱邊
但3個不同侍應經過都無拎去加水|o|
最後都係要舉手唔該先有茶飲
呢個位我都可以體諒
可能真係大家都一時無為意
但有個似乎比較高級
著白衫嘅哥哥仔就真係令我𢱑晒頭
唔知點解由入座俾餐牌我哋已經無笑容無尾音
嗱我絕對唔係harsh
自己無禮貌但又要求人哋顧客永遠是對的
絕對唔係咁樣
佢每次俾嘢我哋例如餐牌同擺口罩嘅紙袋
我都會唔該
但佢係”pat”低就走
埋單俾錢都係隊張單俾我哋簽
簽完俾返張底單我哋
然後便轉身離開|o|
er......
可能我哋樣衰啩😂😂😂😂😂
衰到連一句行貨多謝晒都唔值😭
张贴
