所以要搵到一間環境四正又乾淨嘅火鍋店真係好重要。
呢一間係我之前個月，搵到嘅一間好乾淨嘅火鍋店。
佢哋裝修都幾新淨，入邊非常之企理，我都幾放心喺度食兩個鐘。
由佢嘅配料碟同埋豉油，其實就睇得出佢好衛生。
今次我哋就嗌咗甘筍粟米豬骨湯，打邊爐之餘又有個靚湯飲下，一石二鳥！
佢呢個湯係真材實料好大兩個豬骨，所以個湯煲到奶白色，需要非常鮮香又唔油膩！淨係飲湯都豬肉食下！
美國頂級肥牛（$138）
肥牛係新鮮同埋花紋都靚嘅識落都重牛味，肥瘦適中。
招牌鴛鴦滑（ $108）
裝飾得好精緻嘅鴛鴦滑包括墨魚滑同埋蝦滑，上面仲有黑松露來做點綴，又香又滑冇得頂呀一定要嗌！
鮮魷（$78 ）
一拎上手就知非常之新鮮，淥完都仲係超級爽彈！
即炸響鈴（ $48）
啱啱上碟嘅時候仲係熱辣辣聽到啲節節聲，真係新鮮出爐，所以淥兩三秒就已經可以食，超級脆口，必點！
醉雞半隻（ $88 ）
呢個醉雞嘅份量雖然只係半隻蛋其實都已經好夠食，雞肉係好嫩滑，配上少少酒味就非常之開胃，都係必選！
