橫須賀日本餐廳 (已結業)

上星期，我地幾個同事去食6:30-8:30既放題。食物多元化，味道好味。但係其中一位既waitress實在太無品，有一位態度好好既用好友善既態度同我地講因為要交枱，叫我地盡量食多d枱面既食物，因為另一位同waitress同佢講我地就黎夠鐘，但係枱面仲有野食未清，如果係咁可能會加我地錢。友善果位waitress同我地講，我地都話冇問題，因為確實仲有唔少野食。咁我地咪話我地會清架喇。友善果位行開佐之後，另一位waitress竟然繞埋雙手帶著極寸既眼神企係我地枱邊眼啤啤咁睇住我地食野。講真一句，我地都知食淨太多唔好意思，如果要多計錢都冇野好講啦！但係咁既態度就真係唔得囉！