ZAKS (已結業)

今日和太太往愉景灣Zaks飲凍朱古力, 白酒蜆意粉、意大利雲吞和雞肉漢堡。凍朱古力味道香濃但不會太甜,好好飲；白酒蜆意粉賣相吸引好大碟, 好足料, 蜆好大隻, 好鮮甜, 意粉有陣陣白酒香味, 面條爽滑, 個人認為如果黑椒和紅椒少了一點會好些；意大利雲吞皮薄餡靚配上忌廉汁食落去入口即熔好惹味；最後雞肉漢堡雞肉好腍入口即熔, 配上濃香芝士, 肉汁四溢好美味, 而包包底焊得爽脆, 好香；沙律菜好大份有黃椒, 紅椒和火箭菜等, 食落新鮮爽口, 另外薯俾炸得乾身香脆, 而且大大條, 食落不會感到口乾。餐廳座位舒適, 可遠看大白灣沙灘游人暢泳, 食物大大份好好味, 份量十足,價錢合理, 適合一家人聚會好地方(現時結賬滿$120, 送返中環船票一張, 食完有免費船返中環! 好抵!)