米子燒肉家 (已結業)

呢間燒肉已經係粉嶺開左段時間，今日先黎食，重點係好方便，粉嶺都終於有燒肉鋪啦! 夜晚黎到，叫左放題，可以任食120分鐘! 野食種類超多，一開始會有D沙律，海蜇野菜沙律係我首選，凍豆腐都幾好。肉類首先係牛十品，有10款口簡，有牛腹肉，牛舌，特上牛柳等等。牛舌幾有驚喜係佢真係厚切! 另外，個人鐘意牛柳，因為真係好嫩滑 ，好好食。豬腩片都好好食，油脂分佈均勻。海鮮類比我想像中多選擇! 有青口 ，仲有多春魚等等。雞腿肉有D仲有調味，用左味噌! 另外，我自己最鐘意係蟹膏甲羅燒，入面仲有蟹籽，撈飯食好正! 飯類有米子紫菜飯，櫻花蝦香蔥飯等等，櫻花蝦個款好香! 而呢到既野飲係任飲，仲有D自家茶飲，有玄米綠茶，洛神花茶，好飲，唔會太甜。住附近既朋友真係要黎試試佢!