檸檬冰室 (中海日升中心)

营业中

休息中

今日去接個舊同事放工，搵間餐廳食飯傾偈。檸檬冰室位於中海日升中心地下，招牌和室內裝修都係以檸檬黃色為主調，非常吸睛。餐廳地方都好大，座位夠寬坐得舒服。入座即送老火湯，香甜可口。雙拼燒味飯：選配叉燒和燒鵝配瀨粉加鹹蛋一隻，叉燒肉質鬆軟，而且口感豐厚，燒鵝肉質鮮嫩，充滿鵝香味，加多隻流黃嘅鹹蛋，味道更豐富，燒味配瀨粉係絕配，燒味汁滲入瀬粉一齊食超惹味！豉椒班腩炒河：河粉炒得好有鑊氣，加上啖啖肉無骨嘅班腩和豉椒醬汁，非常惹味！鐵板叉燒炒烏冬：用鐵板熱騰騰盛載上枱，立即香氣四溢，叉燒肉質鬆軟，烏冬彈牙，醬汁夠味。法蘭西多士：金黃色的西多內有花生醬，上面放咗一片牛油，熱力將牛油溶化並滲入西多內，加埋糖漿食，又香又甜顧不得邪惡了！開心芝士撻：開心果同芝士原來好夾，味道香濃又有口感。椰汁紅豆冰勁大杯，紅豆林甜，加入椰汁增加左椰香味。