大澳德發 (已結業)

最近去遊行，要在附近搵食。見大澳德發門外介紹好多食魚的菜色，喜歡食魚的我同朋友就入左去試下～佢的格局似係茶餐廳，但食物就似係酒樓，有好多種小炒呀，蒸魚呀咁。我見到有個餸個名幾得意，叫「大澳酒香咸鮮蒸馬友」，就嗌左來試下。馬友蒸得岩岩好，好滑。都明白的，因為唔算大條，所以都無乜魚油的。那種酒香要點下下面的「汁」先感受到，否則都係無乜味。或者平時食野太濃味，食唔出食物應有的原味。不過我都覺得呢條魚蒸得不錯！問題就係，我聽到隔離枱叫餸時，嗌左個籠仔蒸飯，餐牌上話有得送老火湯，到追個職員的時候，一句就話「無啦」咁就唔送了。他們有老有嫩，可能都廢事同佢嘈了。雖則唔關我事，但我都覺得職員唔應該咁。仲有，枱上面俾客人飲的水，水樽內長期無水，嗌左職員來添水，等好耐，臨走時先有。有少少失望，其實食物做得唔錯，而且算有特色，地點方便，環境都算舒適。只是要同員工協調一下餐牌上的菜色，如果無野送，就搵張紙痴住佢唔好俾人睇啦！