從餐廳外面看，內裡裝修陳設比人好溫暖休閒感覺, 時已晚上9點幾，客人唔多，我地坐係窗口位置梳化卡位，最特別係有一個卡位雙人梳化係用威也吊住的，感覺更加休閒。
宵夜時段唔係太餓，主要想飲下野傾下計啦，我地點左 三文魚凱撒門沙律脆香鬆餅套餐 配 凍0 茶 ($99) ，同 水果茶 ($39)。
三文魚凱撒門沙律脆香鬆餅， 鬆餅好食，其實係普通格仔餅黎，軟硬啱啱好；三文魚沙律就一般啦，以$99 連飲品價錢來說，CP 值唔算好；至於水果茶 $39，係合理水準，味道唔錯。
食品質素一般, 雖然感覺休閒，但用上布料梳化，好難清理，不難見到梳化面上有好多污積，感覺好唔舒服!!!
