影片
更多
2014-10-24
836 浏览
同屋企人喺QE探完爸爸就嚟呢度食晚飯。一行五人去到好好笑唔使等位，入到去仲有間“私家房仔”坐，又唔使同其他人share，感覺都唔錯！ 當我哋仲睇緊食咩嘅時候，已經有個後生仔行入嚟問我哋食咩，我哋話再睇下先，佢就成個人唉落度門度望住我地，個樣顯得有少少唔耐煩。我哋叫咗個淨魚蛋魚片、欖菜炒飯、海南雞飯、咖哩吉列豬扒飯同豬肉菠菜餃。首先嚟錯咗個魚蛋魚片河，我哋同落單個後生仔講我哋冇叫河粉只係叫淨食，點知個哥仔話：‘咪即係我落錯單囉？咁你哋要唔要呀？都係多咗個河粉啫！’ 我哋同佢講我哋唔要河粉，因為我哋有叫其他嘢食，而且會食唔哂。點知個哥仔話：‘你哋真係唔要呀？唔要我又會俾人鬧㗎喇！而且淨食貴啲㗎！不如你哋要咗佢啦！’ 其實你自己做錯嘢仲要咁無賴，講到好似係個客錯咁，我覺得佢都好得意囉！ 最後當然我哋堅持要返我哋個淨食啦！同佢講完之後個淨食嚟返，魚唔腥都幾好味！ 跟住嚟咗個海南雞飯，雞去哂骨，又滑，碗飯又香雞油味，正呀！ 接著我家姐叫咗個晚餐 - 煎豬扒薯菜跟住個豬肉菠菜餃嚟到，我本身好憎食菠菜所以唔知個味道係點，但我朋友話啲餃子都唔錯再接著碟欖菜炒飯到，我就覺得腥腥地，但我媽咪同姐夫
當我哋仲睇緊食咩嘅時候，已經有個後生仔行入嚟問我哋食咩，我哋話再睇下先，佢就成個人唉落度門度望住我地，個樣顯得有少少唔耐煩。
我哋叫咗個淨魚蛋魚片、欖菜炒飯、海南雞飯、咖哩吉列豬扒飯同豬肉菠菜餃。
首先嚟錯咗個魚蛋魚片河，我哋同落單個後生仔講我哋冇叫河粉只係叫淨食，點知個哥仔話：‘咪即係我落錯單囉？咁你哋要唔要呀？都係多咗個河粉啫！’ 我哋同佢講我哋唔要河粉，因為我哋有叫其他嘢食，而且會食唔哂。點知個哥仔話：‘你哋真係唔要呀？唔要我又會俾人鬧㗎喇！而且淨食貴啲㗎！不如你哋要咗佢啦！’ 其實你自己做錯嘢仲要咁無賴，講到好似係個客錯咁，我覺得佢都好得意囉！ 最後當然我哋堅持要返我哋個淨食啦！
同佢講完之後個淨食嚟返，魚唔腥都幾好味！
跟住嚟咗個海南雞飯，雞去哂骨，又滑，碗飯又香雞油味，正呀！
接著我家姐叫咗個晚餐 - 煎豬扒薯菜
跟住個豬肉菠菜餃嚟到，我本身好憎食菠菜所以唔知個味道係點，但我朋友話啲餃子都唔錯
再接著碟欖菜炒飯到，我就覺得腥腥地，但我媽咪同姐夫就話好好味，唔，咪搞我！
最後我家姐個晚飯套餐上枱，有個奶油豬仔包跟餐湯，可惜冇乜練奶，於是我家姐就問哥仔攞碟自己搽，搽咗之後個包好食好多。 後來發覺切豬扒冇刀叉，於是我哋叫個哥仔攞，點知個哥仔發我哋晦氣：‘你哋仲有咩要攞㗎！？’ 我哋已經講咗唔該㗎喇，佢仲要咁樣樣。。。 我哋勁嬲囉！你咁嘅語氣對啲客，我哋咪大大聲話返佢囉！‘唔好意思，要你行來行去阻住你做嘢添！' 跟住佢拎完刀叉俾我哋，我哋咪又喺佢面前重覆多次頭先嘅說話囉！佢有應返我哋㗎：‘哦，唔阻。。。'
總之一句，呢間嘢啲食物味道雖好，但服務態度更好！我唔會再幫襯係俾氣自己受！
张贴