影片
更多
2009-03-09
9 浏览
星期日去行屏山文物徑,終點在天水圍,個天耀村裝修到沙塵滾滾,求其搵間餐廳醫肚,點知餓到咕咕聲...兼且帶著一肚氣離開.服務一開始已經好奇特,我問過女待應有冇定食,個阿姐瞄我一眼,唔知佢聽唔聽到,但係就目光空洞地行開. 見佢行返轉頭咪再問,佢好唔耐煩咁答:星期日冇定食架.我心諗冇咪冇囉,我又未嚟過.你唔答我點知啫.老公點咗碗拉麵,加$5要杯菠蘿汁.我點咗碗什麼 "他人蓋飯" - 即係滑蛋牛肉飯之類, 加$5要杯番石榴汁.老公碗麵先到,兩杯汁都到埋,$5果汁估唔到係鮮榨,唔甜,幾fresh,啱哂我口味.呢個時候老公大概肚餓啩,驚食一碗麵唔夠,又見隔離枱其他人食啲壽司幾好樣,話不如叫啲壽司?"咁是但囉,但我一陣要食飯,你唔使叫咁多呀."如是者佢點了兩客鰻魚壽司,海草及吞拿魚壽司各一客.老實講,味道真係okay,起碼比啲連鎖店轉轉壽司好味及新鮮.之但係我碗飯呢?我明明見枱張電腦單有呢個項目,咁冇理由漏單架,不過睇睇個時間,哇乜叫咗成三十分鐘,而且枱面所有壽司,&老公碗麵已經全部隊食哂啦.我問第一個待應,佢用個咪問廚房,喂23號麵點呀?問完就行開.我呆坐了五分鐘,同第二個待應講如果碗飯未得就取消
服務一開始已經好奇特,我問過女待應有冇定食,個阿姐瞄我一眼,唔知佢聽唔聽到,但係就目光空洞地行開. 見佢行返轉頭咪再問,佢好唔耐煩咁答:星期日冇定食架.
我心諗冇咪冇囉,我又未嚟過.你唔答我點知啫.
老公點咗碗拉麵,加$5要杯菠蘿汁.
我點咗碗什麼 "他人蓋飯" - 即係滑蛋牛肉飯之類, 加$5要杯番石榴汁.
老公碗麵先到,兩杯汁都到埋,$5果汁估唔到係鮮榨,唔甜,幾fresh,啱哂我口味.
呢個時候老公大概肚餓啩,驚食一碗麵唔夠,又見隔離枱其他人食啲壽司幾好樣,話不如叫啲壽司?
"咁是但囉,但我一陣要食飯,你唔使叫咁多呀."
如是者佢點了兩客鰻魚壽司,海草及吞拿魚壽司各一客.老實講,味道真係okay,起碼比啲連鎖店轉轉壽司好味及新鮮.
之但係我碗飯呢?我明明見枱張電腦單有呢個項目,咁冇理由漏單架,不過睇睇個時間,哇乜叫咗成三十分鐘,而且枱面所有壽司,&老公碗麵已經全部隊食哂啦.
我問第一個待應,佢用個咪問廚房,喂23號麵點呀?問完就行開.
我呆坐了五分鐘,同第二個待應講如果碗飯未得就取消啦. 佢又係用咪問廚房碗飯點呀,問完又係行開.
五分鐘後,我真係把幾火,捉住第三個待應,同佢講:我問咗你地幾次都冇回應,我要埋單啦.
佢又係用咪問廚房:個客要走啦,你碗飯點呀?如果整緊就點頭,唔得就搖頭啦.
我個位睇唔到廚房佬反應,只好等個待應答我, 點知佢......竟然....又係....行開咗
你話O唔O咀呢?我問你嘢,你係有幫我check,但check完之後係咪要俾個答案我呢?
一個係咁都算,但兩個係咁,三個又係咁,服務差成咁,啲嘢食幾好都冇用囉.
张贴