影片
更多
2009-05-03
4 浏览
又係而家先得閒 post 噃個食評出嚟... 四月十一日, 復活節假期, 唯一既預定節目就係同班 friends 去咗尖咀食 Buffet,今次又係 284 搵既 buffet, 喺尖咀皇家太平洋酒店裡面既《柏景餐廳》,由於唔想食咁貴, 又有小朋友, 所以只會食午餐 buffet。頭盆, 當然唔少得我最愛既刺生啦! 有三文魚、吞拿魚,另外見啲燻肉一大件即叫即切咁靚仔, 師傅見我影相仲同我講吓笑, 當然要幫襯吓啦!賣相就好靚, 但好似切得過份薄咗少少喎~ 不過都幾好味既!仲有見啲甜品咁吸引, 忍唔住攞咗兩件食咗先!第二盆, 仍然係冷盆, 當然有我必食既沙律啦~ 啲料都算新鮮,仲有煙三文魚, 牛肉沙律, 凍青口等, 樣樣都唔錯,見到刺生部出咗劍魚刺生, 當然唔放過啦! 最鍾意呢度啲刺生切得夠厚身, 有口感!食咗三碟, 老公先嚟到, 佢一開波就攞咗啲冷盆海鮮, 我食咗一隻龍蝦仔, 都唔錯喎~係時候食吓熱葷類, 又係乜都試啲, 樣樣都叫做幾好, 但唔突出,跟住飲噃個「鱆魚豬骨螺肉湯」先, 又幾夠味幾正喎~已經開始飽, 係時候食甜品, 呢度一樣有朱古力噴泉, 仲有長麵包條, 朱古力味幾濃,但啲甜
四月十一日, 復活節假期, 唯一既預定節目就係同班 friends 去咗尖咀食 Buffet,
今次又係 284 搵既 buffet, 喺尖咀皇家太平洋酒店裡面既《柏景餐廳》,
由於唔想食咁貴, 又有小朋友, 所以只會食午餐 buffet。
頭盆, 當然唔少得我最愛既刺生啦! 有三文魚、吞拿魚,
另外見啲燻肉一大件即叫即切咁靚仔, 師傅見我影相仲同我講吓笑, 當然要幫襯吓啦!
賣相就好靚, 但好似切得過份薄咗少少喎~ 不過都幾好味既!
仲有見啲甜品咁吸引, 忍唔住攞咗兩件食咗先!
第二盆, 仍然係冷盆, 當然有我必食既沙律啦~ 啲料都算新鮮,
仲有煙三文魚, 牛肉沙律, 凍青口等, 樣樣都唔錯,
見到刺生部出咗劍魚刺生, 當然唔放過啦! 最鍾意呢度啲刺生切得夠厚身, 有口感!
食咗三碟, 老公先嚟到, 佢一開波就攞咗啲冷盆海鮮, 我食咗一隻龍蝦仔, 都唔錯喎~
係時候食吓熱葷類, 又係乜都試啲, 樣樣都叫做幾好, 但唔突出,
跟住飲噃個「鱆魚豬骨螺肉湯」先, 又幾夠味幾正喎~
已經開始飽, 係時候食甜品, 呢度一樣有朱古力噴泉, 仲有長麵包條, 朱古力味幾濃,
但啲甜品就大部份都麻麻, 唔係太甜就太 Cream, 可能係我唔多鍾意咁樣既甜品啦!
而雪糕就有四款味, 有紅豆、芒果、菠蘿同草莓,
我只係食咗紅豆、芒果同菠蘿味, (對草莓味既嘢完全冇興趣!)
最好味係紅豆, 有好多紅豆粒, 又唔太甜, 其次菠蘿都有菠蘿肉喺雪糕裡面,
芒果就最普通, 冇果肉, 味道最假...
雖然總括嚟講食物就唔係非常之好, 但坐位就好舒服,
唔知點解咁好采, 六個人加兩個未足三歲既小朋友, 就畀咗間房我哋坐,
間房有兩張檯, 但相隔都算遠, 所以我哋坐得好舒服呀!
攞食物既範圍都幾大, 同埋其實幾多款食物, 只係我冇食咁多款啫~
午餐 Buffet 都接受到, 但晚餐成三百蚊就應該唔會幫襯喇~
更詳細資料及圖片請看 : http://hk.myblog.yahoo.com/joycewai616/article?mid=12966
张贴
