日喜樓 (已結業)

今日約左表姐去銅鑼灣祟光百貨買嘢，之後她帶我去V Point 的日喜樓食晚餐，表姐說喜歡日喜樓地方夠大，坐得舒適，食物質素很好，所以帶我來試試！羅春閣爆汁生煎包：即叫即煎，包的底部煎得脆口，餡料鮮肉鮮味多汁，真的做到爆汁的效果！杞子花彫醉雞：花彫清香，杞子明目，雞肉鮮嫩入味。北京填鴨半隻：一片片的鴨肉份量也不少，鴨片嫩滑，油脂香，連埋大蔥絲、青瓜絲，甜麵醬，用薄餅夾埋一齊食，十分惹味！四川擔擔麵：麵條細薄、湯底鮮而不膩，辣而不燥。上海粗炒：麵條有嚼頭，炒得夠味又有穫氣。