營足四季

平時好少去呢個位，餐廳地理位置真係比較隔涉，巴士地鐵都唔到，又或者都要行10分鐘起碼，但係之前喺網上check過，知道呢間餐廳嘅氣氛幾得意，有戶外露營感覺，又有live music ，趁住有人生日，一行六人去咗試吓，發覺真係值得推介，餐廳環境特別，如果係細枱譬如一至四人，就用晒露營枱凳，多人嘅好似我哋咁就要坐返長餐枱＇不過都係舒服嘅，唯一係我哋坐得好近live band，聲音就比較響，雖然氣氛好好，但係講嘢嘅時候就好辛苦，一般呢啲大型慶祝，難得見面嘅都想傾兩句，如果再有下次，可能我就會揀同隊band遠少少嘅位置，氣氛可能冇咁好，但係可以傾到兩句，唔使咁辛苦，食物方面就幾好，我哋試咗牛舌湯意粉＇蝦餅，蒜蓉炒通菜，蟹肉飯，豬扒濛，同埋好多杯特色飲嘢，都覺得味道屬於水準以上，我個人喜歡牛舌覺得佢煮得夠腍，但係亦有朋友認為煮得太腍，真係各花入各眼，除此之外，佢哋仲好識搞氣氛，有人現場同你玩骰盃或者係猜拳，根本就係俾你贏，然後送雪糕，所以嚟到唔使嗌甜品住，基本上每人一球雪糕，都已經足夠，總括而言係一個幾特別嘅嘗試，值得推薦，平均價每人大約200多一啲，都係合理範圍。