大蔵季節料理 (已結業)

行完銅鑼灣SOGO，喺時候揾地方食晚飯，經過澳門逸園中心，發現有一間新開嘅日本料理，同朋友商量之後，決定去試一試。入到店舖，地方雖然不算大，但係枱與枱之間都會有道簾間隔著，變得好有私人空間。打開菜譜，發現有皮剝魚刺身，心情特別興奮，自從喺日本食完之後，就愛上咗皮剝魚。即刻找位店員了解吓先，依位女長髮店員好細心同有耐性慢慢解釋皮剝魚個醬油係由魚個肝調製出來，又解釋其他刺身比我地聽，服務值得一讚！主角終於出塲，忘記拍照，皮剝魚晶瑩通透，魚肉充滿彈性，再加上魚肝醬油，鮮味即時提升。師傅用心嘅出品加店員細心嘅招待，絕對值得再次造訪。