牧羊少年咖啡館 (雅蘭中心)

黎到旺角想做下文青，打下卡，食個午飯坐下Cafe, 呢度係唔錯的選擇。可能正直假期好多人出外旅遊，人數唔算多，基本上好快已經有位。點左幾樣野食，味道都唔錯

香草青醬雞肉蘆筍意大利粉

首先呢碟香菜青醬雞肉蘆筍意大利粉，午餐精選，唯二嘅意粉之一。味道清新，充滿田園風味，兩條蘆筍粗大爽口，鐘意清淡嘅好選擇。

日式大阪燒風味煙三文魚薄餅

再黎呢碟日式大阪燒風味煙三文魚薄餅，好味，比某連鎖Pizza屋的Pizza更加鬆脆可口，大阪燒味道比某道堀嘅大阪燒更具風味。

跟住就到我嘅至愛

bbq醬手撕豬肉菠蘿漢堡包 配薯條

bbq醬手撕豬肉菠蘿漢堡包，呢個配搭確實係幾好味，加上新鮮熱辣，肉嫩皮脆，真係好鐘意。

左至右：玫瑰牛奶咖啡 清涼之吻 抺茶可可朱古力

再附上飲品照，牧羊少年身為咖啡店，特色飲品唔少，可以去發掘下。
食完覺得呢度值得本太子再去。