影片
更多
2018-02-01
520 浏览
最近係咁食日本野, 因為個個朋友都去哂日本, 決定今次黎呢間位於D2既日本餐廳, 過下口癮先 由餐廳出面既裝修已經feel到好有日本居酒屋既感覺, 尤其門口既一個個日式傳統燈籠, 記得果陣係東京同埋大阪既廟寺前都同過一樣既燈籠影相, 當堂即刻覺得D旅行感覺返哂黎!! 而內裏既擺設同樣充滿日本風情, 令人彷如置身東京街頭食夜宵! 鹽味椰菜 $28呢到淨係冷盤都有成頁可以揀, 其實我都幾中意食日本冷盤, 因為日本蔬菜向來新鮮, 例如枝豆或者椰菜等, 唔洗多加調味都可以令人食唔停口! 呢個鹽味椰菜夠爽脆, 配埋提味既鹽香更加令椰菜既新鮮明顯。 冷茄子 $28雖然只係廿幾蚊, 但份量都唔細, 呢種日式茄子迷你細細粒, 身短但飽滿, 去左皮令有啲唔中意茄子皮既人都可以食, 而且去皮令茄子肉更加能吸收湯汁既鮮甜, 加埋冷涷效果下更加開胃。 河豚乾 $68呢個真係必點!!!!! 無論去邊一間日本餐廳都唔會錯過, 燒得邊帶焦香, 切成條狀, 香韌有咬口, 點蘸埋沙律醬又係另一個層次, 次次食都覺得咁滋味!! 鹽燒花魚$88本身係想食佢個醋鯖魚, 但見到隔離枱叫左呢個燒花魚非常大條, 即刻轉呔~~~~鹽
由餐廳出面既裝修已經feel到好有日本居酒屋既感覺, 尤其門口既一個個日式傳統燈籠, 記得果陣係東京同埋大阪既廟寺前都同過一樣既燈籠影相, 當堂即刻覺得D旅行感覺返哂黎!! 而內裏既擺設同樣充滿日本風情, 令人彷如置身東京街頭食夜宵!
鹽味椰菜 $28
呢到淨係冷盤都有成頁可以揀, 其實我都幾中意食日本冷盤, 因為日本蔬菜向來新鮮, 例如枝豆或者椰菜等, 唔洗多加調味都可以令人食唔停口! 呢個鹽味椰菜夠爽脆, 配埋提味既鹽香更加令椰菜既新鮮明顯。
冷茄子 $28
雖然只係廿幾蚊, 但份量都唔細, 呢種日式茄子迷你細細粒, 身短但飽滿, 去左皮令有啲唔中意茄子皮既人都可以食, 而且去皮令茄子肉更加能吸收湯汁既鮮甜, 加埋冷涷效果下更加開胃。
河豚乾 $68
呢個真係必點!!!!! 無論去邊一間日本餐廳都唔會錯過, 燒得邊帶焦香, 切成條狀, 香韌有咬口, 點蘸埋沙律醬又係另一個層次, 次次食都覺得咁滋味!!
鹽燒花魚$88
本身係想食佢個醋鯖魚, 但見到隔離枱叫左呢個燒花魚非常大條, 即刻轉呔~~~~
鹽燒花魚即係花魚一夜干, 係日本常見既佐酒燒物, 果然無揀錯~~~ 花魚本身濃味無比, 因為經過多小時醃浸再風乾, 令醃汁牢牢鎖於魚肉內, 然後經過烤燒過程令味道加以發揮, 鹽燒香味吸引之餘, 燒得香脆可口更係另一賣點, 好吃得我想連骨都吞埋呢!!!! (其實我真係食左部份骨, 唔知係咪食得lol哈哈哈)
精選刺身拼盤 $178
有燒物同前菜, 當然就有主角刺身吧!!! 刺身拼盤價格唔算貴, 有三款同五款選擇, 款式由師傳挑選, 揀左三款拼盤, 以木架呈上更添日本風味~~
全部刺身都好新鮮!!! 無論厚切定薄切一樣令人食到當中鮮美, 八爪魚雖然薄切, 但仍然非常爽滑, 淡味中鮮甜慢慢滲出, 而我最愛既三文魚非常厚切, 加埋十字刺花睇落更靚仔, 一夾就feel到好重手, 厚身魚肉彈牙而富嚼頭, 魚味十足, 而油甘魚同樣精盈通透, 面露光澤, 魚味比三文魚更加突出, 清淡爽口, 同樣厚肉~
日本蕃薯 $28
身為超級蕃薯控, 當然會叫返個日本蕃薯作完美既結束, 日本蕃薯口感粉糯, 從來都無令我失望!!!! 加埋惹味蜜甜再燒香, 無得輸啦係咪!!!
無論冷盤前菜、燒物同刺身同樣令人滿意~ 價錢亦係平民價, 質素比預期中更好呢~~~~
张贴
