悅滿軒

今日嚟咗饒宗頣文化館逛逛，呢度位於繁忙的市中心旁的一個小山丘上，一路之隔，就可遠離繁囂的市中心，過一個舒服悠閒的下午，順道可到悦來軒晚餐，繼續享受恬靜的環境空間。餐廳重新營業，換上全新的餐牌，選擇也多了。員工熱心有禮，感覺舒服😌今晚點左2個主菜，分別係烤西班牙乳豬配蘋果醋燴紅椰菜.印尼燒汁烤豬做得非常出色，皮脆肉滑，好容易就切開。豬皮咬落「喀喀」聲，就知有幾脆，配埋蘋果醋紅椰菜齊食，一啲油膩感都冇。豬肉醮點BBQ香味的印尼燒汁，更能帶出豬肉味，有雙得益彰之效。法國油封鴨配蕉糖蘋果油封鴨送上枱已聞到陣陣香味，切開酥脆鴨皮就見到粉紅嫩滑鴨肉，而底下嘅蕉糖蘋果好有驚喜，同我喜愛嘅Apple crumble好相似，都係微甜，搭上提子乾，同鹹鹹地嘅鴨肉好配合。 餐廳嘅防疫措施好好，每張枱清潔完之後都會再消毒一次，以確保衛生，以保障每位客人坐得安心又食得放心。