笑林寺

营业中

休息中

笑林寺，一間長期擺喺 which list 嘅 cafe，年初二過海做完嘢，終於有機會嚟朝聖。呢度其中一個亮點係佢嘅 menu 同裝飾擺設，全部以武功為主題，仲有個書架放咗金庸小說，非常吸睛。先嚟個草上飛，係以白酒，忌廉同自家製青醬炮製嘅 pasta，配料有蕃茄粒，蒜粒同洋蔥粒，面頭仲有隻烤焗大啡菇。呢個意粉最正嘅係青醬味勁濃勁香，加埋其他配料，超好食。再叫個黃金堅壁，就係沙律菜配面頭鋪咗芝士，煙肉同焦糖香蕉嘅法式多士，呢個最正嘅估唔到係用嚟點多士嘅蜜糖，非常香甜，甚至食得出啲啲酒嘅醇香味。餐後嚟杯化骨綿掌，即係用中式茶盅盛載嘅 cappuccino，我揀咗較 nutty 嘅口味，又係高質到無話可說。