糖果工房

营业中

休息中

經openrice訂座有6折，4個人一人叫左一個主食，一杯野飲加叫左啲小食share都係一人一百蚊到，相當抵食。入到去會有著左女僕感覺衣物既糖果研習生即係店員，一開始我有少少嚇親，因為唔知係呢種主題既cafe，同朋友一開始都有啲尷尬。其中一個好溫柔慢慢同我講解6折只限晚餐，飲品甜品唔計既，但都好抵。我點左蛋包飯，最遲黎係我果個，不過佢係即製，而且好用心煮既，上菜仲會有用番茄醬幫你畫野，店員好用心畫左我果樣同寫左四人約會，賣相相當吸引。蛋包飯既蛋仲有蛋汁，唔會老，飯底係有腸仔火腿既西炒飯，好好食，薯條好脆同香。野飲我點左巨蟹座特飲，即係香橙乳酸沙冰。橙味好出，唔會太甜，加上支匙羹好靚，好似魔法棒甘，成個賣相好唔錯。整體黎講，食物好食，服務好好，店員真係幾溫柔，會慢慢同你講解，最後埋單都有解釋張單點計出黎。佢唔收卡，只收現金。不過，餐廳主題就唔太岩我地4個女性去，因為會播啲動漫歌或片，成個氛圍同我地有啲格格不用。