火鍋撚 (染布房街)

旺角地舖侍應姐姐好冇禮貌，我係1 樓嘟咗安心出行，同事話枱安排咗地舖，落到去，我唔知道地舖要再嘟過，佢大大聲話：2 間唔同舖，要再嘟過

呢位姐姐講嘢冇尾音，個爐我想較細火，點知熄咗，佢加湯時好大聲話：你熄咗個爐呀？

隔離檯叫好多野食，佢居然叫個客執下張枱啲位比佢擺嘢，真係都幾搞笑！

另外食物都好失望，鱔片好細塊兼唔爽，羊肉片好薄好碎，水餃好細粒，水餃雲吞入面啲蝦都腥

我之前係中環分店食過，食物質素同服務都高好多
老實講，我唔介意價錢比一般火鍋店貴啲，不過如果以禁嘅質素同服務，真係好失望，唔會再幫襯，呢個價錢有好多其他火鍋店可以選擇