遙

营业中

休息中

第一次同朋友入土瓜灣食野就中伏，搞到我對土瓜灣有少少陰影，亦忍唔住開個ac留劣評。本身見係openrice上面評價都唔錯，價錢又偏貴，一入去環境都幾有feel，以為實無死啦，但實質上食物同服務都令人極之失望，最後只係點左幾樣野就止蝕離場，賣單之前個店員仲係咁催我地嗌多d野，但其實已經食左二百蚊野，仲要d野食唔好食...首先，最令人失望嘅就係呢個吞拿魚刺身（72），單單五片吞拿魚就已經承惠72蚊，見圖係每片都切得唔均勻，粗幼不一，只係睇見都令人卻步無晒食慾，色澤亦偏灰暗，唔夠新鮮，食落去口感好梅，雖然都叫好過放題個d劣野少少，但72蚊黎講真係不了，年度最後悔決定其次，個名雖然叫黑松露之戀（68），但同花之戀一d關係都無，只係d壽司上面多左d黑松露，d黑松露就無得唔好食啦，而上面嘅刺身切得好過吞拿魚好多，但d壽司食落去同爭鮮無分別，又無鮮味又無咩口感。個串燒（大蔥16，牛舌28）如無意外係全店最好食嘅野，如果大家想試伏嘅，淨係嗌串燒好啦，整體黎講除左燒得老左少少，但性價比一定係全店最高