赤柱美食 (已結業)

行完山成3pm 到赤柱，經過見有個牌價格合理就走去食下。我們坐在4人枱，每人放了背囊在圓凳上，－order 完野食，侍應就走來話：「你地幾個？兩個就要俾人搭枱。」都未有人來，加上說話態度惡劣，我和朋友超反感！之後有人來了，我地當然就free 返個位俾佢。我地分別食泰式豬手飯和冬陰公蝦餅麵，豬手味道ok, 但係分量少。我朋友的蝦餅就賣相很好，很彈牙。食到三分一，有個類似老闆的人大動作走來望我們張枱2分鐘，其實旁邊張4人枱都已經飲完野打緊牙較，應該好快free 返張枱。我地都無可能在咁短時間內食完架啦，又未有４個人來，何必咁趕客！另外，佢地餐具有ｄ滑滑地嘅野在上面，感覺唔多乾淨。所以，超快食的話都可以，想舒服少少食多兩啖就去第間啦！